დამზადებულია უმაღლესი ხარისხის რქაწითელის (85%) და მწვანეს (15%) ჯიშის ყურძნისგან, მოწეული კახეთში, წინანდალის მკაცრად კონტროლირებად მიკროზონაში გაშენებული „შუმის“ კუთვნილი ვენახიდან „ლამარია“.
ღვინო არის დახვეწილი და მრგვალი, აქვს ღია-ჩალისფერი. ახასიათებს ხილის საუცხოო ბუკეტი და ტონები. მდიდარი და ელეგანტური გემო – სასიამოვნო, ციცნხალი დაბოლოებით და დაბალანსებული მჟავიანობით. სასურველია მიირთვათ +10-12°С
„იბერიულის“ ხაზის ყველა ღვინო დამზადებულია „მწვანე რთველის“ მეთოდით მიღებული მოსავლისგან.
პირველად ქართული ღვინის წარმოების ისტორიაში, ღვინის კომპანია შუმმა 2005 წლიდან საკუთარ ვენახებში დაიწყო „მწვანე რთველის“ მეთოდის გამოყენება.
ეს მეთოდი მდგომარეობს მოსავლიანობის ხელოვნურად შეზღუდვაში, კერძოდ კი ყურძნის დამწიფებამდე ხდება ვაზზე მტევნების რაოდენობის მკვეთრი შემცირება, რის შედეგადაც ვიღებთ უმაღლესი ხარისხის მოსავალს.
